Snacken köönt wi all, man Doon is en Ding!

Un nich blots Platt snacken, man ok de Knipp apenmaken un de plattdüütsche Spraak stütten.

Hier röögt sik wat!

"Stiften för Plattdüütsch"

Plattdüütsch höört to Noorddüütschland so as Ebb un Floot, as Masch, Moor un Geest to. De Plattdüütsch-Stiften Neddersassen will sik dorüm kümmern, dat de Spraak nich noch mehr an de Kant schaven warrt. De Regionaalspraak Nedderdüütsch schall snackt, verstahn un wietergeven warrn. Projekte un Veranstaltens op un för Platt schöllt Raat un Hölp kriegen. Dat gellt ok för Wetenschapp, dat een utkloken kann, woans de Spraak herkummt un wo dat mit de Spraak hengeiht.

Kinner un junge Lüüd schöllt to weten kriegen, dat Plattdüütsch to Noorddüütschland tohöört, en Weg na anner Fremdspraken so as Engelsch is un, dat mehr Spraken uns Kultur riek maken doot. Dormit schullen wi vör de egen Huusdöör anfangen.

Wat gifft't
Nee'es?

Freedag is Plattdag !

Plattdüütsch-Filmpries 2020

In de meisten Films kiekt sik de Jungs un Deerns jüm ehr School an un allens wat dor rund üm to so los is. Se befraagt de Lüüd, geevt jüm ehr egen Menen dorto, singt Leder un speelt korte Speelstücken. Mal sünd dor junge Lüüd to sehn un to hören, de dat Plattdüütsche von tohuus ut op de Tung kregen hebbt, mal sünd dat Schoolklassen, de mit Spaaß un Freid Platt lehren doot.

Plattdüütsch-Filmpries 2018

As de Plattdüütsch-Stiftung teihn Johr oolt worrn is, hett Hans-Hinrich Kahrs, he sitt in den Vörstand vun de Stiftung, de Idee inbrocht, dat de Plattdüütsch-Stiftung 2017/18 en Plattdüütschen Filmpries op’n Weg bringen schull.

Plattschnacker

Spraken Woort kann´n nich wedder infangen.